भाषिक खेळ

कोडे संग्रह-
१.दोन भाऊ शेजारी,  भेट नाही संसारी- डोळे.

२.तळ्याकाठी सुटतो गार गार गारवा   सांगा कुणाला म्हणतात पारवा?-कबूतर.

३. तीन डोळे आहेत मला,   माहीत आहे का नाव तुम्हाला?- नारळ

૪. घासता खोड सुटतो सुगंध,   कपाळावर लावतात याचा गंध-चंदन.

५. सा-या प्राण्यात हुशार कोण?  सांगेल त्याला बिस्किट दोन.-कोल्हा.

६.गुळगुळीत काचेवर जग दिसते,
   कधी हसते तर कधी रडते-टेलिव्हिजन.

७.एका बाटलीत दोन रंग
 मध्येच फुटले तर होतो बेरंग- अंडे.

८.एका विहिरीत एक राणी   आणि बत्तीस पहारेकरी- तोंड, जीभ , दात.

९.गोड गोड बोलतो, डाऴ पेरु खातो.-पोपट.

१०.दोन पाय मोठे दोन पाय लहान
शेतात राबतो ताकद महान-ट्रँक्टर.

११.हिरवा पिवळा रंग माझा
म्हणतात मला फळांचा राजा.-आंबा.

१२.एका चेंडूसाठी अकरा जण
मधले दोन करती रन.-क्रिकेट.

१३.गोल गोल फिरा वाजतो बाजा
शेवटी उरणारा खुर्चीचा राजा.-संगीतखुर्ची

१૪.लांब मान पसरट पाय
ओझे वाहतो नाव काय?-उंट.

१५.कोणते हे फळ पोटात याच्या पाणी निर्मऴ-नारळ.

१६.कोणते हे फूल राजाच की
पाकळ्यांची यावर सुंदर झूल.-गुलाब.

१७.एक बसे एक उठे
खो म्हणताच पळत सुटे.-खो खो.

१८.एक फूल दोन माळी
मध्ये  असते मोठी जाळी-बॅडमिंटन.

१९.पाठीवर कवच पोटात पाय
सांगा त्याचे नाव काय?-कासव

२०.गोरं गोरं माझं रुप
पोपटाला मी आवडतो खूप.- पेरु.

२१.मोठे मोठे डोळे माझे
पोटात माझ्या बिया काळे.-सीताफळ.

२२.सर्वांची ती मायमाऊली,
जग तिच्यावर जगते,
घामाचा ती घास घेते,
मोत्यांची ती रास देते.-जमीन.धरती.

२३.नदीकिनारी दाट झाडी,
कुण्या झाडाला असते दाढी?-वड.

२૪.अकबराच्या बागेत चार विहिरी
मधल्या जागी खेळती काळ्या गो-या पोरी.-कॅरम.

२५.दोरीतून सुटताच गरगर फिरतो
हातावर फिरताना गुदगुल्या करतो.- भोवरा.